المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 11 بتاريخ الخميس أغسطس 07, 2014 8:46 am

ياروح عمري دخيلك ودع احزانك

اذهب الى الأسفل

ياروح عمري دخيلك ودع احزانك Empty ياروح عمري دخيلك ودع احزانك

مُساهمة  ADMIN_! LAITH في الإثنين أبريل 04, 2011 4:39 am

حبايبي روايتي االآولى

اهم شي اتمنى انه تعجبكم واتمنى تعطونن الحافز اني اكتب بشغف اكثر
وان شاء الله تكونون اكوووس متابعين

..’

البــــارت الاول ( فتيات من الواقع ) :-

♥°·._ لـيــلــى _.·°♥ :-
دخلت الفصل بهدوء ع طول رحت لآقرب كرسي فآضي قدامي ' كآن الفصل شبه فآضي بس كراسي محجوزه بالشنآط ' حسيت بربكه وان الكل يشوفني مع اني مهب طالبه جديده ولآ شي بس يمكن علشاني من الفصل الثاني وحولوني هنآ ..' شوي وجت لي افرآح وسلمت ..
افرآح : هلآ والله بالولي ' وآنا اقول ليش الفصل منور ..
ابتسمت مجامله له ' لآني مآ احبه : منور فيك ..
افرآح : الآ صح كيف صرتي معنآ ..
تنهدت ' بدت افرآح بتحقيق و التمصلح : مدري عنهم ' قبل شوي دخلت ابله لولوه علينآ وقالت لي انهم نقلوني لهنآ ..
وبصوت عآلي نادت مهآ افرآح : افرآح لآ تنسين تكتبين الفيزيآء ترآ اليوم اخر يوم لتسليم ..
افرآح ابتسمت لصديقته المقربه : لآ مهب ناسيه ..
وطلعت مهآ وافرآح راحت لطاولته وجابت دفتر من طاولته و دفتر من طاولة مهآ وجت لي ع طول عرفت وش تبي ' اخ بس كنت مستآنسه بالفصل الثآني مع انه كله اجآنب بس فكه ' ..
افرآح وهي تحط الدفترين فوق طآولتي : كتبي لي اوكيه ' وتكفين خلصيهم اليوم ..
تنهدت انا يآله كآتبه دفتري عشآن اكتب بدفتره بس كالعآده قلتله بخوف : طيب ' ان شآء الله ..
♥°·._ ســـــآره _.·°♥ :-
كنت جآلسه بالفصل ومآلي مزآج ابد ' شفت وحده اسمه ليلى وحده دبشه و تغث ودلخه بعد عمومآ انا مالي خلقه لآنه تحآول تتقرب للبنآت المعروفآت عشان كذا تكتب لهن وتخدمهن ' تنهدت بغثآ يوم دخلت للفصل ' وعآد مهآ الحيوآنه استانست لمآ شافتهم وعطته دفتره تكتب له ' صراحه انقهرت قوه شي يقهر انه تتقرب لهن بهالطريقه ' عمومآ انا قمت بطلع لبرآ الفصل ولمآ طلعت بوجهي مهآ اول ما شافتني بدت تتلصق بي كآلعآده ..'
مهآ وهي مستآنسه : وآخير قررتي تطلعين من الفصل ..
ابتسمت مجامله و وخرته عن طريقي و هي مسكت يدي بسرعه لفيت لهآ وبعدت يده بقوه وقلتله وانا منقهر لآنه تدري مآ احب احد يلمسني : كم مره اقولك لآ تلمسيني ..؟
مهآ بخوف : مآ دريت طلعت كذآ عفويه ..
مديت يدي اعدل يآقتي وقلتله بنرفزه : اصلآ من البدايه لآ تكلمينن ' ولآ تقربين لي مفهوم ..!
وطلعت امشي لدورة الميآه وانتم بكرامه دخلت اعدل بلوزتي وعآد لقيت منآل البلشه الثانيه عاد هذي شكله ينرفزني روج فوشي مدري شنون قايل وكحل اسود واساس وجه يجيب الغثآ وعاد ليته حلوه لآ دقريه سودآ مدري شنون قايله هي ولبسه ' عدلت بلوزتي وجآكيتي بدون اي كلمه بس هي طبعآ كلمتن ..
منآل وهي تتصنع الاعجاب ولآنبهار : يآي لبسك يجنن سوسو ' من وين مشترته ..؟
قلتله وانا اكتم غيضي : اولآ لآ اسمعك مره تناديني سوسو ' ثانيآ لبسي مآ يصلح لك ..
منآل بقهر من ردي تعدلت وكلمتني زين ع الآقل تفهم مهب نفس حنآن : ليش مآ تصلح لي ' قصدك عشانه رجآلي ..
قلتله وانآ امشي بطلع : مالي خلق اشرح ..
طلعت ورحت اوقف ع السور وجت لي سرآب وحده حبآبه ومحترمه ..
سرآب : هآي ' كيفك يآ حلو ..؟
ابتسمت له للحين مصره تقولي يآ حلو كانت تقول مآبي اقولك يآ حلوه وانتي بوي لآزم اقول يا حلو : تمام ' اخبآرك انتي ..؟
سرآب : مو حلوه ' يعني مآشيه الحيآة
قلتله : افا ليش ؟ صآير شي ..؟
سرآب : اخاف اقولك وتعصبين علي
قلتله بتآفف : مشكله بآيخه مع صديقآتك ..؟
سرآب : اي المشكله هالمره انا الي ورطت فيهآ
قلتله وانا اعدل وقفتي : ليش وش صاير ..؟
سرآب : طيب بقول بس لآ تعصبين ولآ تهوشينن ..؟
قلتله : قولي اصلآ من شآف صديقآتك واخششهن ما رجآ خير
سرآب : قبل شوي كنآ هاجين من الحصه وانا اقول لهن خل نرجع وهم يقولون بس شوي شوي وعاد طآحت علينا ابله فوزيه وعاد حطو السالفه كله فوق رآسي ونزلتنآ ابله فوزيه للآداره وهزآتني وجت لهآ خآلتي منيره وهدت الوضع بس اصرت تدق ع ابوي عاد انتي تعرفين ابوي
قلتله بقهر وبصوت عالي شوي : قايله لك صديقآتك ما يجي منهن الآ المشآكل
سرآب تنهدت : عآد ما جآ ببالي انه بتآصل لهدرجه
قلتله : طيب انتي ليش ما قلتي للمديره الي صار ؟ وليش ما هشتيهن ..؟
سرآب : قلت للمديره بس ما صدقتن ' و البنآت يقولون ما توقعنا تآصل لهدرجه ع بالنآ مهب قايله لك عشان خالتك منيره
قلتله : اها ' طيب انتي وش بتسوين الحين
سرآب : مدري والله ' افكر اروح للبنآت احاول معهم يكلمون المديره
قلتله وانا قاهراتن صديقاته : طيب ليش تكلمينهم كلمي المديره ع طول
سرآب : ما راح تصدقني
قلتله بنرفزه وانا اتخيل سرآب تترجاهن ' يخسن الا هن : خلاص اجل بعطيك رقم عطيه المديره قولي له ابوي مسافر وذا عمي ' اوكيه ..!
سرآب : بس اخاف تجيك المشآكل وانتي مالك شغل بسالفه
قلتله وانا اضرب كتفه بمزح : لآ ما عليك انتي بس عطيهآ الرقم

♥°·._ لـيــلــى _.·°♥ :-
قمت بطفش بطلع من الفصل احس اني مخنوقه شفت قدام الفصل سرآب و ساره وه هالمخلوقه تقهر الكل يحبه و يحاول يتقرب منه وهي شايفه بروحه مقلب ما يعجبه احد ' اي ما علينا ' ع الاقل تعجبني مع انه الكل يحاول يتقرب منه ومع انه مسترجله وما تترك حقه الا انه ع الاقل ما حاولت تستغلني نفس باقي البنات ' طلعت ادور شوي وانا اتالم من نظرآت البنات احسهم يشوفوني بشفقه ورحمه ' يمكن لو كآنت احوالي احسن يمكن احد شافني نفس البنات ..

♥°·._ ســـــآره _.·°♥ :-
صحيت ع طق مرت اخوي روآن صحيت بعصبيه فتحت الباب والشرار يطاير من عيني زمرت عليه بنبره حاده : نعم ' خير
روان ميلت فمه بستخفاف : اقول لبسي وتعدلي وغيري لبسك هالخلآقين
قلتله وانا كلآمه نرفزني : وش فيه لبسي ..؟
روان : ما تشوفينه ..!
قلتله بابتسامه اقهر وانا اشوف لبسي : اهآ قصدك عشانه رجآلي
روان : اوه تدرين ..!
قلتله وانا اعدل بلوزتي الرجاليه : وش رآيك يعني ..!
روان : اقول اهم شي لبسي لبس بنآت ومع اني اشك انه عندك
قلتله وانا يقتلن الفضول : ليش ..؟
روان وهي رايحه : سوي بس الي قلتلك وانتي ساكته
دخلت غرفتي وصبخت بالباب بقهر من كلآمه ورحت اتحمم وبعده صليت وجلست ع سريري وحطيت سماعات الاي بود بآذاني وطنشت الحيآة ' شوي الا اشوف الباب ينفتح وتدخل روان ' تخصرت وصرخت علي : انتي الحين ما سمعتيني لمآ قلت البسي ونزلي
قلتله وانا انزل السمعآت من اذني : وش قلتي ..؟
انا كنت سامعتها بس حبيت اقهرها لان قهرتني فا ما ردت علي وطلعت من قهره شوي ورجعت ومعه فستان احمر صآرخ ورمته علي وقالت من فوق خشمه : ساره لبسي هالفستان ونزلي
رفعت الفستان ورميته عليه وقلتله بنرفزه : انا مهب لابسته ومآ راح انزل الا لما افهم ليش ..!
طلعت جواله من جيب تنورته ودقت ع اخوي طلآل : الو طلآل ' تعال شف اختك ' لا ما نزلت ' طيب ' بس بسرعه ..
وشوي وطلعت وجاني طلال صراحه جاني فضول اعرف وش فيه وبعد خفت وش وراه كل هالخبه والخرشه ' دخل طلآل وبعصبيه : قومي لبسي
قلتله وانا اعند اجلس : لا ليش تبوني البس ..؟
طلآل : اقول ساروه مهب فاضي لك لبسي بسرعه خل نوريك الرجآل
انا من الصدمه مهب قادره اتكلم صنمت بمكآني بدون حركه و طلآل رفع الفستان ورمآه ع وجهي بقوه وطلع وانا رحت لدولآبي طلعت تي شيرت رجالي ابيض بدون اكمام وبه رسمة رجال بظلآل وخربطه وبنطلون جنز اسود وجاكيت اسود لعبة بشعري القصير الي ياله توصل اخر طبقه لرقبتي و وجهي مابه ولا ذرة مكياج ونزلت وقابلتني روان بدرج هاشت ع لبسي بس سهجته ورحت لمجلس الرجال وانا قاصده حركتي اني ادخل بجرآءه بدون طلآل ولبسي كذا خلهم من قال له اني موافقه ع هالخربطه دخلت المجلس بقوه بالبدايه استحيت بس الي خفف علي ان الرجال بكبر ابوي وجلست ع الكنب طلآل كان يناظرني بنظرات تهديد و عيونه يطلع منه الشرآر وخالد هز راسه بمافيه فايده وانا جلست وشوي وطلعت والعريس يشوفن بصدمه رحت وجلست بصاله وصراحه كنت خايفه من اخواني اما روان تناظر لي مهب فاهمه شي شوي وسمعت صرخة طلآل الي زلزلت البيت : ساره ' ساروه ..
ودخل الصاله وخالد وراه يهديه وكلهم نسو وجود روان دخل خالد وانا طاح قلبي جاني بعصبيه وشد شعري بقوه وانا من الخوف مهب قادره امشي كانت عصبيته ما يسيطر عليه ومسكه خالد : طلآل قول لآ اله الآ الله ' انت وش قاعد تسوي
طلآل دز خالد وشد اكثر على شعري وطآح بي ضرب ولآول مره اشوف طلآل كذا ' مسكت يده ودزيته عني بقوه وانا اتصنع القوه صرخت : انت باي حق تمد يدك علي ' هآه ..!
طلآل بعصبيه وقهر : بنت الكلب وتراددين بعد ..!
قلتله بعصبيه وانا نرفزني كلآمه : لآ تطري ابوي ع لسانك فآهم ..'
طلآل وهو يفك شمآغه ويمسك العقال : تراددينن هآه ' انا ارويك الشغل
وبسرعه مسك يده خالد وبخوف : طلآل هد روحك ' الرجال بعده رجال الله يهديك
طلآل : اي اهدي روحي واختك فشلتني قدآم الرجال
ودزه عنه وطآح فيني ضرب واخر شي لمآ ضربني وسال دمي وطحت عاجزه بين ايدينه شالني ورمآني ع الكنب وقال وهو يلهث من التعب : سمعيني زين اذا الرجآل وآفق عليك بتآخذينه غصب ' سآمعتني ..!
قلتله وانا احاول اوقف من التعب : لآ تحلم ' مهب متزوجه لو السمآء تنطبق ع الآرض ' ( وبتهديد ) فآهم ..!
طلآل عصب وقآم ومد يده بيعطيني كف بس مسكت يده وبجرآءه رديته له وعطيته كف اقوآ وهو صنم من حركتي وبعد خالد و روآن الي طلعت عيونهم من حركتي وانا رحت امشي لغرفتي صكيت الباب بقوه وقفلته ورحت ورميت جسمي بسريري الي كله مخدآت كنت ودي اصيح بس دموعي من سآبع المستحيلآت تنزل اخذت الآي بود وحطيت السمآعآت بآذاني و قبل ما اشغل صوت سمعت البآب ينطق بقوه بس طنشته ..'
♥°·._ لـيــلــى _.·°♥ :-
كنت اسبع ومندمجه مع التسبيع ومآحسيت بالي حولي ولفيت بقرب الدفعه الثانيه من الموآعين بس شفت قدآمي بسه ( قطه ) وصرخت ذيك الصرخه و وقفت من الصدمه والخوف وشوي ودخل ابو يزيد علي هش البسه وصرخ علي : مره ثانيه لآ تصارخين عشان اي شي فآهمه ..!
قلتله وانا انزل راسي وبخوف هذي انا كذآ خوافه : طيب
ابو يزيد وهو يطلع معصب : نآس ما تفهم الآ بصرآخ
هزيت رآسي ورجعت اسبع بهدوآء ما اخفي عليكم ابوي وآمي مطلقين و امي تزوجت ابو يزيد قبل 5 سنين و الحين هي حآمل وابوي تزوج قبل سنه ' طبعآ عيشتي مع امي عذاب كله هوآش وسب دائما اسمع غبيه ' دلخه ' قوطي ' ما تنفعين ' اف يا الشينه ' و هذا كون عندي شخصيه مهتزمه و ضعيف وخلتني اخاف من النآس وبس اسمع الكلآم هذآ شي كرهني بنفسي اخاف من الصراخ والتهديد وطبعآ عيشتي زفت هنآ وطلبت من ابوي يآخذني عنده بس هو رفض بحجت ان يخاف علي وانه اغلب الوقت برآ ويخاف علي من زوجته ' نفسيتي اقتلبت وانا افكر بحآلتي فآ ع طول طردت هالآفكآر من بآلي ورحت انام ..'
♥°·._ لـيــلــى _.·°♥ :-
صحيت وآنا مبسوطه مروقه غريبه والله رحت استعد لمدرسه واتجهز قبل مآ يآصل البآص شفت لبسي بنظره سريعه كله عآدي ومآ يعتبر حلو ابدآ اخذ جكيت اقل من شين اخضر لبسته وربطت شعري بطريقه فيضويه وعآديه يعني شكلي اكس دخلت بوآبة المدرسه وانا عندي احساس بالفرح وان اليوم بيصير حلو ' وبعد الفسحه دخلت لدورة الميآه سمعت صوت من اخر الحمآمات جآني فضول اشوف وش السالفه قربت للحمآم وقبل ما اوصل طلعت سآره من الحمام الي قبله شافتني بنظرآت ما فهمته ثم بعدت واشرت بيده لي اني اكمل صراحه استحيت انا وش قآعده اسوي فا وقفت قبآل الحمآم واشوفه شبه مصكوك واسمع صوت بوسآت وضحك وسوآلف الغريبه به صوت خشن شوي لفيت لسآره بشوف وش تسوي لقيته متركيه ع الجدار ومتكتفه ( جامعه ايدينه ) وتشوفن نزلت رآسي وجيت بطلع لمآ مريت من عنده همسة بآذنه : معليش ' مدري وش صار لي جآني فضول اعرف وش يصير ' اسفه
وجيت بكمل طريقي بس هي مسكتني مع يدي بقوه ودزتني ع الجدآر وقربت لي وهي تقول : وليش تشوفين ' خل نطبق وتفهمين احسن
وقفت منصدمه من كلآمه ' انا استوعبت وش يصير لمآ قربت بس مآكنت متوقعه انه تسوي معي شي كذآ ' فا اسكت ونزلت رآسي بس سآره نزلت رآسه وشآفتني بآبتسآمه : افهم انك رآضيه ..؟!
مآ رديت عليه بس جسمي ارتعش وهي حست فيني ابعدت عني وبنبره غريبه تحمل حزن قالت : عمومآ فكري وآنا موجوده بآي وقت
قلتله بصوت يرجف : طيب
وانفتح البآب وطلعت البنتين وحده مسترجله نفس سآره و الثانيه وحده اسمه لينآ وحده نعومه وحلو مره وانا مت خوف من نظرآت المسترجله وهي قربت لي وانا رجعت وصدمت ساره وفجآءه مالقيت الآ سآره تطوقني بآيدينه وقالت بنبره حآده : مرآم خلك بعيده عنه ' فآهمه ..!
♥°·._ ســـــآره _.·°♥ :-
كنت وآقفه ورآ ليلي وطلعت مرآم ولينآ من الحمآم ومرآم وقفت تنآظر ليلى كانت نظرآته وكآنه تخطط عليه فا حمقت وعصبت وليلى رجعت وصدمتني فا طوقته وضميته من ورآ وقلت لمرآم بنبره حآده توقفه عند حده : مرآم خلك بعيده عنه ' فآهمه ..!
مرآم بابتسآمة خبث : طيب ' مآدريت انه لك
ابتسمت وقربت ليلى وبسته ع خده وبخبث : اجل يفضل تدرين من الحين
ولحظة ان ليلى ارتعشت من حركتي واطرافه بردة ومرآم ابتسمت وحطته يده فوق رآسه : كلآمك ع هالرآس وحنا بالخدمه لطيبين
ومسكت لينآ الي كآنت طول الوقت تشوفني وسحبته من يده وطلعو وانا ابعدت ايديني وليلى كانت مصنمه وطلعت برآ ورفعت يآقة جآكيتي وحركت بيدي شعري وكآنه به شعر عشآن يحرك ومشيت للفصل كنت بدخل بس هونت رجعت و وقفت قدآم البآب انتظر ليلى انتظرت طويل بس مآ جت فآ نزلت رآسي حسيت بتآئنيب الضمير ودخلت الفصل شفت ابله الآحيآء مهآ قدآمي صرخت علي : وش مآخرك عن الحصه ..؟
صرآحتن مآكنت بمزآج يسمح انآقش فالفيت وسهجت الآبله وطلعت لفيت لدورة الميآه فتحت البآب بهدوآء شفت ليلى جآلسه بهدوآء وحاطه رآسه ع ركبه دخلت لعند المرآيآت وعدلت شعري حسيت بآحد يتآملنآ لفيت لقيت حنآن بوجهي اول مآ شافتني ابتسمت وجت لعندي وبآستني مع خدي وقربت بتضمن انا ع طول دزيته وقلت بعصبيه : حنآن كم مره اقولك مآ احب احد يلمسني
حنآن بابتسآمه وكآني اكلم جدآر مسكت يدي وتنرفزت بجد وقآلت : طيب اهم شي اعصآبك
بعدت يده بقوه وطلعت وسهجته ثم رجعت ودخلت وقلت ليلى : شكلك مهب حآضره الحصه لذآلك انا بنزل للمسرح بجلس كآنك تبين تعآلي
ليلى مآردت علي وانا طلعت وجلست بالمسرح

♥°·._ مـــــرآم _.·°♥ :-
كنت جآلسه ارآقب صديقتي سآره ومستغربه منه من زمآن مآشفته منجذبه لآحد والحين تنجذب لليلى وحده هردسه وحوسه ' شفته جآلسه بالمسرح فانزلت لعنده جلست جنبه وقلتله بهدوء : ليش متضآيقه ..؟
سآره : افكر بالحيآة ' مرآم ليش احس اني غير عنهم ..؟
قلتله وانا احس انه صدق سآره متضآيقه : ليش يعني ..؟ قصدك عشآننآ مسترجلآت ..؟
سآره اسكتت عرفت انه مهب قآدره توصل الي تبي فا اسكت واكتفيت اني حطيت يدي بفخذه ونآظرته وابتسمت

♥°·._ خــــولآ _.·°♥ :-
دخلت للمدرسه حسيت شكلي خطآ رحت لدورة الميآه شفت وحده وكآنه من العصر الجآهلي شكله ' عدلت شعري وشكلي ولفيت بطلع وشفته للحين بمكآنه بس هالمره تصيح قلتله وآنا مستغربه من هالكآئن الغريب الي قدآمي : فيك شي ..؟ تبغين شي ..؟
هزت رآسه بنفي فا اكتفيت بهالسؤآل وطلعت لغرفة الآدآره عشآن التسجيل
♥°·._ ليـــلــى _.·°♥ :-
كنت مو قآدره اتحرك بعد مآ سويته ع نفسي ' البلشه اني بالدورة الميآه وقدآمي الحمآمآت وهذآ اليوم زفت زفت بدآيته مع سآره ونهآيته بالدورة الميآه محبوسه

♥°·._ مـــــرآم _.·°♥ :-
صحيت وآنا احس رآسي يوجعن اخذت الجوآل اشيك عندي شي او لآ لقيت رسآله من رقم غريب تقول { سمعيني مرآم وقفي انتي وصديقتك سآره عند حدكم لآ يجيكم شي مآيرضيكم } استغرب + ارسلت الرسآله لسآره المهم طنشت الرسآله وقمت اتحمم واصلي

♥°·._ خـــــولآ _.·°♥ :-

دخلت بالغرفه بكل هدوآء عشآن مآ يقوم حدآ اخوآني ورحت لسريري ع طول ' صرآحه العيشه مع 7 اخوآن ممله والبلشه اذآ كآنو كلهم اصغر منك وامك متوفيه وابوك اربع وعشرين سآعه برآ وعآيش عند جدتك يعني جدتك بالحآله يبي له اهتمآم عآد كيف 4 بنآت 3 عيآل ..؟ اف حيآة تزهق وتطفش بالحيل وصلت لسريري بآمآن وقبل ما انسدح اطلقت وسن لصوته المجآل قمت وشلته قبل مآيقومون البآقين عآد وش يسكتهم ' طلعت ادور بوسن بالبيت وسمعت صوت بغرفة جدتي قربت واسمع جدتي تقول : والله انه يآ محمد بنت حلآل وتصلح لك
ابوي محمد رد عليهآ : يآ يمه وش تصلح لي انا لي 8 اولآد من بيقدر عليهم ..!
جدتي : بس هي مآتمآنع ..!
محمد ابوي : لآ مآ ابي اتزوج شيلي هالفكره من رآسك
جدتي : بس انت تبي من يهتم فيك ' ملآبسك مبهذله وحوسه وغرفتك واكلك بعد
محمد : لآ يمه شيلي هالفكره من رآسك
جدتي : طيب وش رآيك تفكر ' والبنت مهب طآيره
صرآحتن مقدر اوصف لكم حآلي ' كنت محتآره خآيفه واحس روحي ضآيعه ' دخلت الغرفه حطيت وسن بسريرهآ هي تقلبت شوي ونآمت وآنا عجزت انآم تفكيري كله بالقرآر الي بيآخذه ابوي ' خآيفه انه يتزوج بعدهآ صدق بنجن اكثر من الحين
♥°·._ مـــــرآم _.·°♥ :-
شديت ع يدي بعصبيه وصرخت : فهد لآ تجنني قلتك لآ يعني لآ
فهد رد علي ببلآده وبرود : ليش ان شآء الله ' وش المآنع ..؟
قلتله بنرفزه : فهد افهم يآخي علي ' هالفستآن مستحيل البسه
فهد بهدوآء وحزن : ليش مصره تحملينن الذنب ..؟
صرخت علي بقهر : مصره ' انا مصره ' ولآ الذنب رآكبك من رآسك لسآسك
فهد بترجي : بس انتي مسآمحتني صح ..؟
قلتله وانا اصد عن وجهه : اي مسآمحه الله يهديك ' فهد تكفى روح عني
فهد قآم وقرب لي وانا ع طور ابعدت ونزلت رآسي باسف ' صح الي صآر كبير والجرح يبي وقت ليتشآفى ' بس صدق مآ ابي اعآمل اخوي الكبير كذآ ' فهد فهم حركتي وطلع وبعده سمعت صوت صبخ بالبآب ( صك بقوه ) ' جلست ع السرير شوي ثم اخذت جوآلي ودقيت ع حبيبت قلبي سآره

♥°·._ ســـــآره _.·°♥ :-

صرخت ع طلآل بقهر : اقولك مآ ابيه ' انت مآ تفهم ' لنآ اسبوعين وحنآ نتكلم بنفس السالفه
طلآل صرخ علي : سمعي انا كلمت الرجآل وقلتله بهاليومين يرد لي خبر اذآ وافق بتآخذينه غصب عليك
قلتله بقوه وجرآءه انا استغرب من الي قلته : اسمعوني زين انا مهب متزوجه هالرجآل لو تنطبق السمآء ع الآرض ' و بس لو فكرتو تغصبوني ع الزوج ' صدقوني اني بفتح دفآتر قديمه تدمر حيآتكم كلكم
مآجد بعصبيه : وش قصدك ..؟
قلتله وانا اتجه للبآب : انت تعرف وش قصدي
وطلعت صرآحه خايفه من اخوآني عآرفه ان كلآمي تو بيفتح بيبآن مصكره ' بس الي لآزم يفهمونه انه مهب عشآني بنت مضطره اسوي كل شي يبونه ' انا اسوآهم كله بكل شي ' دخلت غرفتي و قفلت البآب ع روحي ' و رن جوآلي وكآنت مرآم باسم { مآلك } هذي اسمآءنآ الي منتشرين فيهآ ' هي مآلك وآنآ سليمآن ' رديت عليهآ : الو
مآلك : هلآ سلوم ' متضآيق
قلتله وانا متآكده ان فهد له دخل بالموضوع : ذكرك بالمآضي
مآلك بحزن : آي ايآم غيرت اسمي وشخصيتي عشآن انسآهآ
قلتله : طيب ' انتي مآ سويتي كل شي عشان تنسينه ' خلآص اجل ليش تذكرينه وتتكلمين عنه للحين ' خلآص انسيهآ ' انتي مآلك مهب مرآم البزر
مآلك : اي صح ' بس
قلتله بحب وانا صدق ابيه تنسى كل شي : لآ بس ولآ غيره ' خلآص انسي كل شي وخل نستآنس بالحيآة
مرآم : طيب ' اقول سوير وش رآيك نطلع سوآ
قلتله وآنا اشوف البآب يطق بقوه : لآ ما اظن اقدر اليوم
مرآم : ليش ..؟ تكفين والله ضآيقه بي الدنيآ ' ابي اطلع وانسى
صرآحه مقدر ارفض طلب لمرآم وخصوصآ وهي متضآيقه مقدر ' بس كيف اطلع ' اكيد الدنيآ قآيمه قآعده بس قلتله : طيب ' نطلع لوين ..؟
مرآم : للكوفي الي بالعثيم
قلتله : طيب ربع سآعه واكون هنآك
صكيت الخط ورحت البس عبآتي ومسكت طرحتي وشنطتي وطلعت روآن بعصبيه : انتي هيه ' لوين رآيحه ..؟!
قلتله وانا اكمل المشي ولآ لفيت له : للمول
روآن بقهر : وقفي كلميني زين
وقفت ولفيت له : خير ' عندك كلآم اختصريه
روآن وهي تحآول تنرفزني : اقول تعدلي وآعرفي انتي بنت مين ..؟
قلتله وانا اعآرفه انه تدور المشآكل : سمعي روآن ابوي لآ تطرينه ع لسآنك ' ولآ اقصه لك ' وانتي تعرفينن
وقربت منه وانا انآظره بنظرآت تهديد ' و روآن بلعت ريقه بخوف وقآلت : طيب
انا ابتسمت بستخاف وكملت طريقي لتحت طبعآ مريت من عند اخواني وقبل مآ يتكلم مآجد قآطعته وقلت : خلصتو السآلفه ..؟
خالد بادب : اي سالفه ..؟
قلتله وانا رايحه للبآب : سالفة الخطبه اليوم خلصوهآ لآ تطول وهي قصيره
وفتحت البآب ثم هونت ورجعت : اقول خآلد بيت ابوي للحين موجود
خالد بستغرآب : اي بس ليش تسالين ..؟
قلتله وانا ابتسمت : بروح اسكن فيه ضآق خلقي من هالمكآن
وقف مآجد بعصبيه : هآه ' انتي تحسبين السالفه ع كيفك هي
قربت منه و وقفت قدآم وقلتله وعيني بعينه : اي ع كيفي ' اجل ع كيفك هي ..!
طلآل وقف بعصبيه وصرخ : عن هآلبيت مالك طلعه
قلتله وانا اناظره بطرف عيني : مهب بكيفك ' ( ولفيت لخآلد ) انا بكرآ بالكثير رآيحه اسكن هنآك ' فا جهز لي البيت
خآلد : طيب
طلآل بعصبيه : وش طيب انت الثاني
خالد وقف وبهدوآء : لآ تصآرخ عندك كلآم كلمهآ هي
طلآل : ما تبيني اعصب وانت تقول طيب
خآلد : انا مالي شغل بالي يصير ' طلعوني من السالفه
ابتسمت لكلآم خآلد ' عآرفه ان خآلد ما قآل هالكلآم عشاني بس خآلد مآ يحب المشآكل تجيه ' بالمختصر هو ماله شغل بالي يصير مطنش بالكآمل
ADMIN_! LAITH
ADMIN_! LAITH

عدد المساهمات : 362
نقاط : 1673
تاريخ التسجيل : 30/11/2010
العمر : 28
الموقع : http://3ichk-el-rou7.syriaforums.net/

معاينة صفحة البيانات الشخصي للعضو http://3ichk-el-rou7.syriaforums.net

الرجوع الى أعلى الصفحة اذهب الى الأسفل

ياروح عمري دخيلك ودع احزانك Empty رد: ياروح عمري دخيلك ودع احزانك

مُساهمة  ريما في الجمعة أبريل 22, 2011 10:09 am

بصراحه انا ما اقرتو لانو ما في اسم ريما
معناتو انا شو دخلني
ما الي اشي بالموضوع
صح ليث؟
ههههههههههههههههههههههههههههههههاي
ريما
ريما

عدد المساهمات : 247
نقاط : 367
تاريخ التسجيل : 01/04/2011
العمر : 22

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ياروح عمري دخيلك ودع احزانك Empty رد: ياروح عمري دخيلك ودع احزانك

مُساهمة  القبطان في الجمعة أبريل 22, 2011 12:39 pm

يسلمو ليث Cool Cool
القبطان
القبطان

عدد المساهمات : 153
نقاط : 177
تاريخ التسجيل : 31/03/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ياروح عمري دخيلك ودع احزانك Empty رد: ياروح عمري دخيلك ودع احزانك

مُساهمة  ADMIN_! LAITH في الجمعة أبريل 22, 2011 1:23 pm

هههههههههه بس اقرأو بردلك خبر
ADMIN_! LAITH
ADMIN_! LAITH

عدد المساهمات : 362
نقاط : 1673
تاريخ التسجيل : 30/11/2010
العمر : 28
الموقع : http://3ichk-el-rou7.syriaforums.net/

معاينة صفحة البيانات الشخصي للعضو http://3ichk-el-rou7.syriaforums.net

الرجوع الى أعلى الصفحة اذهب الى الأسفل

ياروح عمري دخيلك ودع احزانك Empty رد: ياروح عمري دخيلك ودع احزانك

مُساهمة  القبطان في الجمعة أبريل 22, 2011 1:47 pm

ياروح عمري دخيلك ودع احزانك 3696926579 ياروح عمري دخيلك ودع احزانك 3696926579 ياروح عمري دخيلك ودع احزانك 3696926579 ياروح عمري دخيلك ودع احزانك 3696926579
القبطان
القبطان

عدد المساهمات : 153
نقاط : 177
تاريخ التسجيل : 31/03/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ياروح عمري دخيلك ودع احزانك Empty رد: ياروح عمري دخيلك ودع احزانك

مُساهمة  ريما في الجمعة أبريل 22, 2011 10:44 pm

ههههههههههههههههههههههههههههههههههههههههاي
والله انك بتفهم يا ليث
طلعت انت كمان مش قاراو خخخخخخخخخخخخخخخ
نفس الشعور
ريما
ريما

عدد المساهمات : 247
نقاط : 367
تاريخ التسجيل : 01/04/2011
العمر : 22

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى